2013-mi innuttaasut ilinniarsimassusaat

Kalaallit Nunaanni innuttaasut ilinniagaqarnerat qaffasinneruleriartorpoq. 2013-mi inuit 15.105-it meeqqat atuarfianit qaffasinnerusumik ilinniakkamik naammassinnipput. Ukiut qulit kingulliit ingerlanerini meeqqat atuarfianit qaffasinnerusumik ilinniakkamik naammassinnittut 6 procentpointinik qaffariarput. Inuit pineqartut pingajorarterutaat 2013-mi ilinniarnermik ingerlaqqiffiusumik naammassinnipput. Professionsbacheloritut ilinniarsimasut ilinniarnerni ingerlaqqiffiusuni tamarmiusuni amerlanerpaapput.